मुंबई :- राज्याच्या राजकारणात महत्त्वाची घडामोड घडत सुनेत्रा पवार यांनी उपमुख्यमंत्रिपदाची शपथ घेतली. राजभवनात पार पडलेल्या शपथविधी सोहळ्यात मुख्यमंत्री देवेंद्र फडणवीस, उपमुख्यमंत्री एकनाथ शिंदे तसेच विविध पक्षांचे वरिष्ठ नेते उपस्थित होते. बदललेल्या राजकीय परिस्थितीत हा निर्णय महत्त्वाचा मानला जात आहे.

शपथविधीनंतर प्रशासनात तातडीने स्थैर्य यावे यासाठी मुख्यमंत्री फडणवीस यांनी अवघ्या दोन तासांत खातेवाटप जाहीर केले. जलद निर्णयक्षमतेमुळे नव्या जबाबदाऱ्यांची स्पष्टता निर्माण झाली आहे.

नव्या जबाबदाऱ्यांनुसार उपमुख्यमंत्री सुनेत्रा पवार यांच्याकडे पुढील तीन विभागांची धुरा देण्यात आली आहे:

1) क्रीडा विभाग
2) राज्य उत्पादन शुल्क विभाग
3)अल्पसंख्याक विकास विभाग

मात्र अर्थ व नियोजन खाते अद्याप जाहीर करण्यात आलेले नाही. या खात्याबाबत पुढील काही दिवसांत स्वतंत्र निर्णय होण्याची शक्यता राजकीय वर्तुळात व्यक्त केली जात आहे.

मुख्यमंत्र्यांकडे महत्त्वाची खाती कायम
मुख्यमंत्री देवेंद्र फडणवीस यांनी गृह, ऊर्जा, कायदा, सामान्य प्रशासन व माहिती यांसारखी महत्त्वाची खाती स्वतःकडे ठेवली आहेत. तर उपमुख्यमंत्री एकनाथ शिंदे यांच्याकडे नगरविकास व गृहनिर्माण विभागाची जबाबदारी कायम आहे.

इतर मंत्र्यांकडे विभागांची जबाबदारी
राज्य मंत्रिमंडळातील इतर प्रमुख खात्यांचे वाटप पुढीलप्रमाणे:

महसूल – चंद्रशेखर बावनकुळे

जलसंपदा – राधाकृष्ण विखे पाटील
वैद्यकीय शिक्षण – हसन मुश्रीफ

उच्च व तंत्रशिक्षण – चंद्रकांत पाटील
आपत्ती व्यवस्थापन – गिरीश महाजन
पाणीपुरवठा – गुलाबराव पाटील
शालेय शिक्षण – दादाजी भुसे
कृषी – दत्तात्रय भरणे
महिला व बालविकास – अदिती तटकरे
सार्वजनिक बांधकाम – शिवेंद्रराजे भोसले
परिवहन – प्रताप सरनाईक
पर्यावरण व पशुसंवर्धन – पंकजा मुंडे
माहिती व तंत्रज्ञान – आशिष शेलार

नव्या नेतृत्वामुळे प्रशासनाला गती मिळेल, तसेच विकासकामांना चालना मिळेल, अशी अपेक्षा व्यक्त केली जात आहे. राज्यातील पुढील राजकीय आणि प्रशासकीय निर्णयांकडे आता सर्वांचे लक्ष लागले आहे.

#maharashtrapolitics #breakingnews #sunetrapawar #swarjyamarathinews